XARE Euskarazko Kultura Digitalen Jardunaldiek 9 hitzordu dakartzate 2025erako
Bilbo, Iruña, Baiona, Barakaldo, Amorebieta-Etxano, Errenteria, Laudio, Donostia eta Gasteiz. Inoiz baino sare zabalagoa, inoiz baino herri eta hiri gehiago eta, batez ere, inoiz baino gazte gehiagoren jakinmina asetu eta sormenta astintzeko gogoa!
Kasu guztietan, goiz erdiko jardunaldia proposatzen du XAREk, eskola orduetan bai, baina eskolatik kanpo.
Eta 3 gunetan barreiatutako eduki eta jarduera-sorta zabala dakar:
IKAS GUNEAN: lantegi praktikoak
> Musika sortzeko eta zapaltzeko app-ak
> Argazkilaritza sakelako telefonoarekin
> Robotika
> Gamer gela
> 3D inprimagailuak
> App inventor
> Bideomapping
ERA GUNEAN: hitzaldi interaktiboak
> Harremanak 3.0.
> Pribatutasuna Sarean
JOLAS GUNEAN:
> Egunean Behin jokoaren zuzeneko partida
> BreakOut erronka
> Zainduz Saretu ihes jokoa
Honezkero 7 urteko ibilbidea egina du XARE proiektuak.
2017an abiatu zenetik eta 2025era bitarte, 14.340 gaztek hartu dute parte jardunaldietan, eta 2025-2026 ikasturtean, 4.570 gazte gehiagorengana helduko da Euskarazko Kultura Digitala sustatzen duen egitasmo hau.
Hori guztia, noski, ezinezkoa litzateke urte hauetan guztietan bidelagun izan diren babesleen laguntzarik gabe.
