Ikastaroaren deskripzioa

Saio honetan bideo mappingaren inguruko esperientziak landuko ditugu, oinarrizko kontzeptuak praktikaren bidez ezagutuko ditugu, korapilo teknikoetan sartu gabe. Lau gune izango dira eta bakoitzean ariketa bat egingo da. Besteak beste, honako hauek eginen dira: kideen gainean proiektatutako jantziak marraztu, ikasleen aurpegiak erabiliz paretetan aurpegi berriak sortu eta irudiak geometria jakin batera doitzen ikasi. Horrez gain, bideo mappingaren inguruko aplikazioen adibideak ikusiko ditugu.