Euskarazko kultura digitala sustatu eta ezagutarazteko helburua duen Xare egitasmoak aurten aurrez aurreko jardunaldiak antolatzeko aurreikuspena zuen Barakaldo, Gasteiz, Iruña eta Donostian, baina Covid-19ak eragindako osasun-larrialdi egoera dela medio, bertan behera gelditu dira guztiak.
Aurten, Covid19ak eragindako osasun larrialdia dela eta, ez dira antolatuko aipatu jardunaldiak formatu presentzialean, egoera honetan ez baita oso komenigarria goiz batez 450-500 ikasle elkartzea jardunaldi batean. Egoera honen aurrean XAREk formatu eta kanal berriak landuko ditu baliabide digitalak probestuz. Besteak beste online ikasteko Moodle plataforma martxan jartzeko erabakia hartu du. Horrekin batera hainbat eduki prestatuko ditugu online eskaini ahal izateko. Egitasmoa udazkenean zehar martxan jartzeko aurreikuspena dugu. Aurrerago informazio gehiago zabalduko dugu.